30 milyon pesos gitanyag sa DSWD-9 nga Educational Cash Assistance para sa mga kwalipikadong estudyante sa Rihiyon-IX

51
Zamboanga Peninsula – Gagahin ug P30-M pesos nga educational cash assistance ang Department of Social Welfare and Development-9 (DSWD-9) para sa mga kwalipikadong benepisyaryo sa Zamboanga Peninsula.
Sumala ni Ivan Eric Salvador, tigpamaba sa DSWD-9, unum ka Sabado ang ilang gitagana sa pagpanghatag sa payouts sa mga angayan nga estudyante.
Sigun pa niya, ang distribusyon nagsugod atung Agosto 20 ug matapos kini karung Setyembre 24 niining kasamtangang tuig pinaagi sa first-come, first-served basis.
Mukabat matod pa sa 1,251 ka identified beneficiaries ang nahatagan sa ayudang pinansyal sa tibook rehiyon.
Dili managsama ang kantidad sa educational cash aid sa matag educational level sa student-beneficiaries.
1,000 pesos para sa elementary level; 2,000 pesos para sa junior high school; 3,000 pesos para sa senior high school; ug 4,000 pesos usab para sa college ug vocational students.
Giklaro ni Salvador nga ang educational assistance ang tinuig nga ihatag sa DSWD sa mga indigent students lakip na usab sa mga nagtuon sa vocational o technical schools, state colleges, ug universities.
Ang mga estudyanteng nakasinate sa krisis gumikan kay natanggal sa trabaho ang ilang mga ginikanan o namatayan sa miyembro sa pamilya, ug anak sa mga OFW ang ginikanan apan gipauli sa nasod ang angayan usab sa maong assistance.
Pahinumdom ni Salvador sa mga banepisyaryong sa ayuda nga magdala sa kompletong requirements sama sa certificate of enrollment, school identification card, ug valid ID card sa mga ginikanan o guardian para sa college ug vocational students.



Facebook Comments