Nagalab-ot sa 449 ka mga drug personalities ang naaresto sang Philippine Drug Enforcement Agency kag kapolisan sa rehiyon dose halin Enero tubtob Marso subong nga tuig.
Suno kay PDEA 12 Information Officer Katryn Abad ini ang resulta sang ginpatigayon nila nga 435 anti-illegal drug operations kag yara sa P7.1 million nga kantidad sang iligal nga droga ang nakunpiskar.
Aminado si Abad nga tungod sa pandemya limitado man ang hulag sang mga miyembro sang PDEA nga nakaapekto sa ila demand reduction campaign.
Samtang suno sa iya padayon naman ang ila nga ginapatigayon nga face-to-face kag online lecture kag nakapatigayon na sang 870 information education campaign ukon IEC ang ahensya.
Dugang pa ni Abad nga nagapadayon man ang validation sang PDEA sa mga barangay sa rehiyon nga wala pa nadeklarar nga drug cleared.
