Wala pa sang kaso sang coronavirus disease ukon COVID-19 ang mga barangays sang Magsaysay, San Roque, Assumption, Mambucal kag Caloocan dire sa syudad sang Koronadal, suno kay CHO Dr. Editho Vego.
May-angot sini, iya ginalauman suno kay Dr. Vego nga mamintinar nga COVID free ang nasambit nga mga barangay.
Ginpahayag niya man nga ang may madamo nga kaso sang COVID-19 ang barangay Sta. Cruz nga may 23, ginasundan sang Brgy. Sto. Niño nga may 16 base sa ila datos sang Setyembre 23.
Dugang pa ni Dr. Vego nga ang mga barangay sa sentro sang syudad ang may kaso sang COVID-19 kag sa kaiping nga mga barangay sini.
May-angot sini, padayon ang pagpang-awhag sang city health officer sa publiko nga istrikto nga ipatuman ang mga health protocols agud malikawan nga maigo sang COVID-19.
