5 pesos nga increace sa pletihan sa Northern Mindanao, giduso na sa NCTU-10 ngadto sa LTFRB

45
Desidido na ang transport group nga ipamugos ang ilang gipangayo nga pagtaas sa pletihan sa rehiyon-10 tungod na usab sa walay puas nga pagtaas sa presyo sa produktong petrolyo.

Sa interview sa RMN ngadto kang Joel Gabatan ang regional coordinator sa National Confederation of Transport Unions (NCTU)-10, gibutyag niini nga kung kaniadto ang ilang gipangayo mao lang nga mahatagan og ayuda ang mga driver, pagsuspinde sa excise tax sa petroleum products ug pag-amendar sa oil deregulation law.

Matud ni Gabatan nga kaniadtong bulan sa Marso ning tuiga, nagduso na siya og petisyon ngadto sa LTFRB nga patas-an ang pletihan sa Northern Mindanao sa 5 pesos.

Wala matud pa niya kini gifollow up kaniadto tungod kay wala pay increase sa mga suhulan apan karon nga aduna nay wage increase, iya na usab nga ipanawagan sa LTFRB ang ilang gipangayo nga fare increase.

Matud ni Gabatan nga kinahanglan na karon sa mga draybers ang dugang pletihan tungod kay apektado na kaayo sila sa sunod-sunod nga pagtaas sa presyo sa produktong petrolyo.

Facebook Comments