General Santos City—sikop sa operatiba sa Koronadal PNP ang lima ka mga suspetsado lakip na ang 3 ka mga minor de edad atol sa gihimong buy-bust operation sa may Mabini Extension, Barangay Zone 4, Koronadal City alas-11:35 sa gabie kagahapong adlawa, Enero , 2018.
Mga nasikop giilang silang si Richard Sumagaysay Asumbra , 35, Lloyd Heart Palmes Sabit, 37, ug 3 ka mga menor de edad nga silang alias An-an, Amy ug Alias Cheng anaa sa 15 ngadto na sa 17 ang edad.
Narekober sa awtoridad ang mukabat sa (5 ) ka sachet sa gikatahapang shabu nga gibana-banaang anaa sa kantidad ug P28,750, drug paraphernalia ug P 500 nga marked money.
Wala na nakapalag pa ang mga suspek human nga nakuhaan ug ebidensya sa kapulisan.
Kasong kalapasan sa RA 9165 ang gikatakdang atubangon sa duha ka mga suspek samtang giturn-over na sa buhatan sa City Social Welfare and Development Office Koronadal ang tulo ka mga minor de edad.
