84-ANYOS NGA SENIOR CITIZEN, NALUMOS SA SUBA SA BANWA SANG CUARTERO

24
Cuartero, Capiz – Padayon nga missing ang 84-anyos nga tigulang nga ginpahayag nalumos sa suba nga sakop sang Barangay Angub, Cuartero, Capiz.
Ang biktima ang ginkilala kay Felix Delfin Sr., residente sang Poblacion Takas, Cuartero, Capiz.
Suno sa impormasyon, ulihi nakit-an ang biktima alas 3 kahapon sang hapon nga nagpangayo sang tabang samtang gina-anod sang tubig-baha.
Kaina lamang sang aga, nagreport sa mga otoridad ang pamilya sang biktima nga wala ini makapauli. Nahibaluan nga masami nagapanglakaton ang amo nga persona kag malipaton na bangud man sa katigulangon.
Sa subong, gindeploy na ang composite team para sa search and retrieval operation sa nasambitan nga biktima.
Ini ang ginalakipan sang grupo halin sa Provincial Disaster Risk Reduction and Management Office (PDRRMO), Capiz Emergency Response Team (CERT), mga personnel sang Coast Guard Sub-Station Ivisan, Cuartero PNP, BFP-Cuartero subong man mga opisyales sang Barangay Angub, Cuartero.
Facebook Comments