86-anyos nga lola naligsan sa naghaguros nga rural bus, patay

31
Labangan, Zamboanga del Sur – Dead on Arrival sa Mendero Hospital ang 86-anyos nga lola human naligsan sa naghaguros nga Rural Bus didtong dapita sa National Highway sa Barangay Lantian, Labangan, Zamboanga del Sur alas 7:45 sa gabii July 17, 2022.
Giila sa Labangan Municipal Police Station Traffic Division ang biktima nga si Adeliada Manalo Edo, 86 anyos, residente sa Purok Bagong silang, Brgy. Lantian, Labangan ning probinsya.
Sumala ni PMSg Leonardo Cuadra ang imbestigador sa Labangan PNP, samtang nagdagan ang Rural Bus, color pula nga nagtangag sa plaka numero 1384-312605 nga may Bus number 10614 gimaheno ni Joel Dumapias Matunhay, 35 -anyos, taga-Purok 1, Brgy. Boniao, Mahayag, Zamboanga del Sur kung asa ang Bus gikan sa Dipolog City nga paingon sa dakbayan sa Pagadian.
Paghidangat sa maong dapit kalit nga milabang sa kalsada ang 86-anyos nga biktima ug aksidente kining naligsan ug gumikan sa kakusog sa impact nalagpot ang lola sa daplin sa kalsada.
Gidala pa sa ospital ang biktima aron masalbar apan nabugtuan kini sa gininhawa ug patay nang nahidangat sa balay tambalanan.
Ang driver gipaslak na sa Labangan MPS detention cell nga nag-atubang sa tukmang reklamo.
Facebook Comments