ACTIVE MEMBER SANG BFP KAG APAT PA KA IBAN DAKOP SA BUY BUST SANG RDEU SA DEMOCRACIA, JARO

65

Arestado sa ginpatigayon nga buy bust operation sang RDEU ang lima ka mga suspetsado lakip ang active member sang BFP alas 5:30 ang takna kaina sang hapon sa Barangay Democracia, Jaro.

Ginkilala ang subject nga si Garry Benidicto, 32 anyos sang nasambit nga Barangay kon sa diin nabaklan ini sang isa ka sachet sang suspected shabu sa balor nga 7,000 pesos kag nakuhaan pa gid sang 25 ka sachet.


Magluwas sa iya nadakpan man sanday Aileen Talero, 62 anyos sang Zone 2 Bo.Obrero, Fire Officer 1 Wendell Garcera, 36 sang Zone 2 Bo.Obrero, Wilhem Garcera, 44 anyos sang Jereos, Lapaz kag Malyn Benidicto , 27 anyos.

Priso na sa karun sa Jaro PNP ang mga arrestado kag pagapasakaan sang kaso nga paglapas sa RA 9165 si Garry samtang Conspiracy naman ang apat.
Nahibalu-an nga ginakuha sang subject ang iya supply sang druga sa siyudad sang Bacolod.

Facebook Comments

From Advertisers