Ine an iginsumat ni Mayor Sixto Dela Victoria ha iya State of the Municipality Address dida han Martes, Decembers 19, 2023.
Lakip na hine nga mga nabuhat nga pitad an pagpalit hin 2.3-hectare hin tuna ha Brgy. San Pedro ngan Tabgas kun diin dinhi pagtutukuron an super Rural Health Unit (RHU), pagbutang hin sanitary landfill ha Brgy. Binolho, bag-o nga slaughterhouse ngan municipal warehouse ngan an pagpahalu-ag han municipal market seawall.
An munisipalidad in gintagan gihapon han National Seal of Good Local Governance (SGLG) 2023 Award, usa ha pinakahataas nga award nga nakakarawat han han LGU tikang DILG.
An Albuera in usa ha 5 nga mga munisipalidad ha probinsiya han Leyte ngan usa ha duha nga munisipalidad ha 4th District han Leyte nga gintagan hin pagkilala han DILG.
“This award is not mine alone but yours because as your mayor, I only oversee your work. With this recognition, first, I salute our municipal local government operations officer, second our municipal administrator, our Sangguniang Bayan and Sangguniang Barangay members, and our department heads who helped us,” siring ni Dela Victoria.
Nagdaog gihapon an Albuera kumo top performing LGU ha Eastern Visayas ha SubayBAYANI Award, ngan gintagan hin pagkilala an mahinumdanon nga mga buhat han LGUs ngan DILG Personnel ha pag-implementar han SubayBAYAN System – usa ha mga pamaagi han departamento pag-promote han accountability ngan transparency ha tanan nga level han pan-gobyerno ha rehiyon.
