Davao City- Sikop sa Bajada Police Station ang duha ka illegal drug personalities, usa ka farm handler ug usa ka construction worker human nakuhaan og mga illegal nga droga atol sa gikasang buy bust operation niadtong milabay’ng adlaw April 8, 2024 alas 6:32 sa gabie sa Purok4, Lumboyan, Garcia Heights, Bajada, Brgy.19-B, Davao City.
Sa report gikan sa Bajada Police Station giila ang mga dinakpan nga mao sila alias ‘Dongkoy” 30 anyos, farm handler nagpuyo sa maong lugar ug laing usa ka Mark Anthony hingkod ang edad, construction worker, residente sa Del Carmen, Brgy. Matina Aplaya, Davao City.
Nakuha usab sa kapulisan ang napulo ka sachet nga shabu nga managlahi ang gidak-on ug motimbang og 3.26 grams nga mokantidad og P22,168.00 lakip sa nakumpiska ang illegal drugs paraphernalia.
Ang duha ka dinakpan napasakahan na og kaso kagahapong adlawa April 9, 2024 sa kasong kalapasan sa RA 9165 Comprehensive Dangerous Drugs Act of 2002 og detinado na sa Bajada Police Station.
RadyoMaN Don Pulayao
Facebook Comments
