Davao City – Pareho wala ma-uyuni sa hut-ong sa mga kababayen-an ug sa grupong Lesbian, Gay, Bisexual and Transgender (LGBT) ang planong pagtukod og all-gender CR sulod sa Sangguniang Panglungsod.
Pareho wala pabori sa women group ug sa LGBT nga magbutang og comfort room alang sa tanang kasarian sulod sa SP building.
Dako’g ‘No’ ang usa ka ginang nga si Glenda Azuela nga ipansak lang sa usa ka CR ang mga babaye, mga lalake, ug ang mga sakop sa LGBT.
Ingon sa Ginang nga dili siya komportable mag-CR kung dunay kuyog nga lalake sulod sa CR.
Supak usab ang LGBT sa dakbayan nga hiusahon ang babaye ug lalake sa usa ka CR sa rason nga lain kaayo paminawon nga magdungan sa cr ang dili pareho nga kasarian.
Ingon ni Francis Labolab nga dili malilong nga arte man gayod ang babaye diin una sila hingpit mugawas sa CR mag-arte una kini sa kaugalingon nga magpalangay og samot sa lalake.
Busa dili andam muyagyag og suporta si Labolabo sa pagatukuron nga all-gender CR sa SP Building nga gastuhan sa katawhan.
Walay nakitang bug-at nga katarungan si Diding Lopez aron magtagana og all-gender CR alang sa tanang kasarian nga bisitahon sa sugo sa panahon samtang anaa sulod sa SP building.
Gipasabot ni Lopez nga kuyaw makakuha og sakit ang babaye sa ihi sa lalake sa bowl busa angay lang lainon ang babaye ug lalake.
Apan hatagan lang og igong kagawasan ang mga bayot makapili kung asa sila kumportable mag-CR sa babaye ba o sa lalake.
Sa laing bahin, gikontra ni Francis Labolabo kinsa usa ka beautician nga hatagan og separate ug exclusive nga CR ang LGBT inay sundon na lang unsay naandan depende kung asa sila haom ug kumportable mag-CR.
RadyoMaN Joel Viray
