ALU-TUCP dili muapelar sa approved wage increase sa Region-XI

44
Davao City – Wala nay planong muapelar ang Associated Labor Union-Trade Union Congress of the Philippines (ALU-TUCP) sa P47 wage increase nga giaprubahan sa Regional Tripartite Wages and Productivity Board (RTWPB–XI).

Sa interbyu sa DXDC RMN Davao kang Alan Tanjusay, tigpamaba sa ALU-TUCP, gisaysay niini nga mas malangan ang proseso o madelatar ang implementasyon sa usbaw sa sweldo kung ilaha pa kining i-kwestyon.

“Hindi na namin ia-appeal ang wage increase order kasi mas lalong tatagal ang pagpapa-implement kapag i-question pa namin ang resulta ng wage increase order,” matud ni Tanjusay.

Matud ni Tanjusay, ilaha usab nga iduso ang pag-usab sa wage board partikular na ang formula ug mekanismo niini.

Dugang sa tigpamaba sa ALU-TUCP, dugay na ang ilang petisyon sa pagpa-usbaw sa suholan sa Davao Region apan niabot pa og kapin duha ka tuig una nagbaton og wage increase.

RadyoMaN Kirby Manzon

Facebook Comments