ANAY NGA NAKA-AVAIL SANG PLEA BARGAINING, LIWAT NA NAMAN NGA NADAKPAN SA DRUGA!

15
Ivisan, Capiz – Liwat na naman nga nadakpan sa ginkasa nga drug buybust operation sang mga katapo sang Station Drug Enforcement Team(SDET) sang Ivisan PNP ang anay preso nga naka-avail sang plea bargaining sa Sta. Cruz, Ivisan, Capiz.
Ginkilala ang arestado kay Edmund Buenavista alias Jomong, 35 – anyos kag tumandok sang Barangay Milibili, Roxas City.
Narekober sa paghinakop ni Buenavista ang duha ka plastic sachets sang gina-suspetsahan shabu, isa ka unit sang cellphone kag P500 nga drug buybust money.
Sa karon, nakahunong na sa karsel sang Ivisan PNP ang arestado para sa nagakaigo nga disposisyon.
Magapangatubang sang kaso nga pagbayolar sa RA 9165 ukon Comprehensive Dangerous Drugs Act of 2002 si Buenavista.
Facebook Comments