ANUM KA PERSONA, DAKOP SA GINKASA NGA BUY BUST OPERATION SA BARANGAY TANQUE, ROXAS CITY!

13
Roxas City, Capiz – Nakahunong na subong sa karsel sang Roxas City PNP ang anum (6) tanan ka mga persona nga nadakpan sa ginkasa nga drug buy bust operation sang mga katapo sang Philippine Drug Enforcement Agency (PDEA) – Capiz Provincial Office sa Barangay Tanque, Roxas City.
Ginkilala ang mga nagkaladakpan nga amo sanday John Alcher Acepcion, 25 -anyos sang Barangay Jumaguicjic; Wally Arcangeles, 38 – anyos(subject person); Wyndel Arcangeles, 41 – anyos; Wynel Arcangeles, 51 – anyos nga lunsay residente sang Barangay Tanque, Roxas City.
Arestado man sanday Korina Mantac, 20 – anyos sang Barangay Milibili, Roxas City kag Rone Baral, 41 – anyos sang Barangay Lawaan, Roxas City.
Natigayon nga marekober sa mga ini ang 22 tanan ka sachet sang ilegal nga droga lakip ang 5, 500 nga buy bust money.
Suno sa impormasyon halin sa barangay council sang Tanque, Roxas City nalakip ang pila sa mga ini sa listahan sang Barangay Anti – Drug Abuse Council (BADC).
Natalana nga igapaidalom sa laboratory testing ang mga narekober nga druga.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nasambitan nga mga persona.
Facebook Comments