Babaeng angkas sa single motor, nalatayan sa truck, patay

37
Nadala pa sa balay-tambalanan ang usa ka babae apan nakabsan ra gihapon sa kinabuhi human malatayan sa usa ka truck pasado alas 3:05 sa hapon kagahapon didto sa Sayre Highway, Purok-6, Barangay Casisang, Malaybalay City, Bukidnon.

Giila ang maong biktima nga si Athenna Marie, 32 anyos, dunay kapuyo, ug residente sa Purok-13, Avinca Village, Barangay Casisang, Malaybalay City, Bukidnon nga ang kinsa angkas sa iyang ka-live in nga motorsiklo nga nailang si Junel Tecson, live-in partner sa biktima, ug mulopyo sa susamang lugar.

Samtang gimaneho ang maong Fuso Dropside Truck, color green, nga nagtangag og plakang numero MAV-7581 ug gimaneho sa usa ka Eric Dumandan, 32 anyos, minyo, ug residente sa Purok-3, Manuto, Quezon, Bukidnon.

Sumala sa taho sa kapulisan, nga gadagan padulong sa Valencia City nga direksyon ang maong single motor nga anaa sa outer lane sa maong kalsada, pag-abot sa lugar nadisgrasyahan, nasangit ang walang manebela sa gimanehong motorsiklo ngadto sa gasunod nga Fuso Truck.

Gumikan sa maong panghitabo, samaran ang drayber sa maong aksidente apan sa wala damha, nalatayan ang kalive-in niini sa maong truck.

Nadala pa sa balay-tambalanan ang maong babae apan pasado alas 3:30 kagahapon sa hapon gideklara na kining patay sa doctor.



Gidala sa kustodiya sa kapulisan ang maong truck samtang gipadayon ang imbestigasyon sa maong aksidente.

Facebook Comments