Babaye gipusil sa iyang kaipon

Kumalarang, Zamboanga del Sur – Samaran ang usa ka babaye human kini gipusil sa iyahang kaipon sa Purok 4, Brgy. Salagmanok, Kumalarang, Zambaonga del Sur pasado alas 3:30 kagahapon sa hapon March 7, 2023.
Ang biktima giila nga si Renalyn Pisangan Mabat, 37-anyos, gipusil sa kaipon ug suspek nga si Medardo Villahermosa Tolentino, 62-anyos, residente sa maora nga lugar.
Base sa imbestigasyon sa mga kapulisan sa Kumalarang PNP, nakig-storya ang biktima ngadto sa iyang pag-umangkon nga si Marilou Pisangan sa mismong panimalay.
Naa usab sa mao nga hitabo ang akusado nga si Medardo nga kalit lang mipusil sa biktima gamit ang caliber 38 nga pistola sa walay igo nga hinungdan.
Naigo sa ibabaw sa paa ang biktima rason nga gidala kini ngadto sa Kumalarang Rural Health Unit alang sa dinali-ang midekasyon.
Ang kaipon sa biktima nga suspek buluntaryo nga misurender ngadto sa kapulisan sa Kumalarang dala ang armas ug bala nga gigamit sa pagpusil sa iyang ka live-in partner.
Narekober na sa kapulisan sa crime scene ang usa (1) ka basyo sa calebre 38 nga pistola samtang padayun pa nga gisuta sa mga awtoridad ang motibo sa nasangpit nga insidente.
Facebook Comments