Pagadian City – Patay na nga nakaplagan ang usa ka babaye 300 metros ang gilay-on gikan sa PNP COMPAC-Tiguma alas 8:35 ang takna sa buntag adlaw nga Domingo July 24, 2022.
Dali nga mirespondi ang kapulisan gikan sa checkpoint ug giila ni Nilo Adolfo Fontillas ang biktima nga gabay-ad kilid sa kalsada nga si Paulina Butaslac, 55-anyos, babaye, minyo residente sa Purok Mendoza, Tabuan, Tukuran, Zamboanga del Sur.
Ang biktima naandan nga magbaktas gikan sa lungsod Tukuran padulong ning syudad sa Pagadian gumikan matod pa kay may problema kini sa pangisip human nagka-depresyon sa dihang nilangyaw sa laing nasod apan wala gitarong pagasto ang hinaguan niini sa nahibiling mga minahal sa kinabuhi.
Base sa report sa imbestigador nga PSSg Eliezer Kiram Requejo Jr kasagaran magbaktas ang biktima sa Brgy. Tawagan Sur nganhi sa sentro sa syudad ug mupahulay kini sa kapilya nga may 200-metros ang gilay-on gikan sa nahimutangan sa patay nga lawas.
Walay nakita nga bun-og sa kalawasan sa biktima matod pa sa City Health Officer nga si Dr. Debbylene Tan-Ildefonso nga maoy gahimo sa post mortem examination.. Gitunol na sa katapusang pahulayan ang naasoy nga biktima.
Dali nga mirespondi ang kapulisan gikan sa checkpoint ug giila ni Nilo Adolfo Fontillas ang biktima nga gabay-ad kilid sa kalsada nga si Paulina Butaslac, 55-anyos, babaye, minyo residente sa Purok Mendoza, Tabuan, Tukuran, Zamboanga del Sur.
Ang biktima naandan nga magbaktas gikan sa lungsod Tukuran padulong ning syudad sa Pagadian gumikan matod pa kay may problema kini sa pangisip human nagka-depresyon sa dihang nilangyaw sa laing nasod apan wala gitarong pagasto ang hinaguan niini sa nahibiling mga minahal sa kinabuhi.
Base sa report sa imbestigador nga PSSg Eliezer Kiram Requejo Jr kasagaran magbaktas ang biktima sa Brgy. Tawagan Sur nganhi sa sentro sa syudad ug mupahulay kini sa kapilya nga may 200-metros ang gilay-on gikan sa nahimutangan sa patay nga lawas.
Walay nakita nga bun-og sa kalawasan sa biktima matod pa sa City Health Officer nga si Dr. Debbylene Tan-Ildefonso nga maoy gahimo sa post mortem examination.. Gitunol na sa katapusang pahulayan ang naasoy nga biktima.
Facebook Comments
