Bag- o nga batch sang Candidate Soldiers, magapaidalom sa 16 ka semana nga Basic Military Training sa 3rd Infantry (Spearhead) Division Training School sa Camp Peralta!

17
Jamindan, Capiz – Nagalab-ot sa 228 tanan ka mga Candidate Soldiers ang magapaidalom sa 16 ka semana nga Basic Military Training sa 3rd Infantry (Spearhead) Division Training School sa Camp Macario Peralta sa banwa sang Jamindan.
Sang nakaligad nga Hunyo 08, 2022 ginpatigayon ang oathtaking sang Candidate Soldier Course Class 725-2022 sa 3ID grandstand sa pagpanguna ni 3ID Commander MGen Benedict M. Arevalo.
Sa 228 ka mga candidate soldiers, 151 ang gikan sa 3ID; 30 ang halin sa 3rd Installation Management Battalion kag 47 ang halin sa 53rd Engineering Brigade.
Ang mga ini ang pagahanason kag tudluan tuhoy sa basic foundations bilang suldado kag core values sang Philippine Army bilang tagpangapin sang pungsod.
Sa iya mensahe, gindayaw ni MGen Arevalo ang mga nagabug-os sa CS Class 725 – 2022 bangud sa pagpursige sang mga ini agud nga malampuwasan ang kapin sa tatlo ka bulan nga application phase.
Iya man nga ginpunto nga mapalaron ang mga ini bangud sila ang 228 ka mga CS gikan sa nilibo ka mga aplikante nga nag-aspirar nga mangin parte sang Armed Forces of the Philippines(AFP).
Facebook Comments