Bag-o ug temporaryong South Bound Terminal sa dakbayan, gibuksan na kagahapong adlawa

ILIGAN CITY – Gibuksan na ang bag-ong temporaryong south bound terminal sa dakbayan kagahapong adlawa.
 
Kini human gisirad-an naman usab ang kanhi nahimutangan niini diha sa may camague gumikan sa kaso sa kanhi administrasyon sa syudad.
 
Matud ni Traffic Division Chief Police Senior Inspector James Daleon nga aduna pa gayu’y gamay nga problema ang gibalhinang lugar sa terminal diha sa may NSC Football Field.
 
Kini tungod sa pagkakaron lapok pa gayud kaayo sa maong lugar kun asa padayon pangtambakan ug limestone tungod dili naman kini simentuhon gumikan kay temporaryo paman ang nahimutangan niini samtang padayon ang gihimong permaninteng mahimutangan sa south bound terminal sa dakbayan.

(PHOTO CREDITS : RED LINE)

Facebook Comments