General Santos City–Malampusong nasikop sa hiniusang pwersa sa PDEA-12 ug Tacurong Municipal Police Station sa ilahang gipahigayon nga buy-bust operation ang usa ka Hector Ulangkaya Jr. alyas Jekay, 33 anyos, ug nanimuyo sa Barangay EJC Montilla Tacurong City.
Sumala pa ni Kath Abad ang Tigpamaba sa PDEA 12 nga nasikop ang suspect alas 3:00 ang takna sa hapon sa 3rd Block Apilado Subd., Barangay Poblacion, Tacurong City kung asa napalitan kini ug usa ka sachet sa gikatahapang shaau ingon man nakuha sa iyahang posisyon ang laing pang duha ka sachet ug ang 500 pesos nga mark money.
Dugang pa ni Abad nga ang nasangpit nga suspect ang usa sa ilahang target sa ilahang gipahigayon nga buy-bust operation niadtong tuig 2017 kung asa nasikop ang mga uyuan niini apan nakasibat ang suspect.
Dugay matud pa nga nag tago-go ang suspect apan nakakuha ug impormasyon ang PDEA nga wala nag bag-o ang nasangpit ug nagpadayon sa iyahang paglambigit sa pag pamaligya ug iligal nga droga hinungdan gipahigayunan ug buy-bust.(Dave Silagan)
