REUNION
Naka uli na ang ubang sundalo sa ilang pamilya
Ginikanan, igsuon, anak ug asawa perting lipaya
Hugot nga gakos ug halok mihulip sa kahingawa
Sundalong upat ka bulan natanggong sa gyera.
Sundalo nga dili kasarangan ang mga kaagi
Nakiggubat sa mga teroristang ISIS/Maute
Hurot ang akung bilib ug wala nakuy ikasulti
Gawasnon na ang Marawi ug kamo ang bayani.
Natambalan na ang dili lalim nga kamingaw
Kinabuhi sa sundalo sa gyera nag-ungaw
Karon nga naka-uli na dili na makapanghupaw
Sigurado sa pinanggang asawa makapahungaw.
Pagkalami kun matinuod ang byahe sa Hongkong
Libreng hotel ug plite maoy kusog nga hungihong
Uban ang pamilya sa gawas sa nasod mamalandong
Gasa sa pangulo sa sundalo nga wa magpabadlong.
RadyoMan Erin Lumosbog
Facebook Comments
