Davao City – Nagpadayon ang inspeksyon ug assessment sa mga tulay ug kalsada sa Davao City ug Davao del Sur human sa kusog nga linog nga miigo sa rehiyon.
Sa impormasyon gikan sa Office of Civil Defense (OCD) XI, sa Davao City, temporaryong dili maagian ang Bolton Bridge sa Brgy. 34-D tungod sa nagpadayong structural inspection ug assessment sa mga otoridad.
Samtang, ang Bucana Bridge sa national highway padayon nga maagian apan limitado lamang sa mga gaan nga sakyanan isip pag-amping samtang ginamonitor pa ang kahimtang sa tulay.
Sa Digos City, Davao del Sur, usa ka lane lamang sa Maharlika Highway ang maagian human sa soil slope collapse nga nakaapekto sa maong dalan.
Nagpadayon usab ang inspeksyon sa mga national road ug tulay, ingon man ang pagtangtang sa mga debris, aron masiguro ang kaluwasan sa mga motorista ug pasahero.
RadyoMan Kareen Beltran
Facebook Comments
