Pagadian City – Gipukaw sa daghanan ug kusog nga boto sa armas kaganihang kadlawon ang mga lumulupyo sa Purok Lansones, Brgy. Tuburan ning syudad sa Pagadian City.
Target sa wala maila nga armadong kalalakin-an ang balay sa magtutudlo nga si Glory Mae Fuertes.
Sumala sa mga nakasaksi kalit nga niabot sa lugar ang armadong mga suspek og walay langan nga nagpaboto gamit ang caliber .45 pistola.
Igo ang kural, ding-ding ug atop sa kwarto sa biktima diin nakita usab ang lima ka bangag igo punusilan sa kwarto sa magtutudlo.
Hinoon swerte nga walay naigo sa insedente sa mga residente sa lugar.
Dali usab nga nilayas ang mga suspek human ang pagpa-arak paingon sa wala matino nga direksyon.
Ang mga basiyo sa bala nga nahipos sa dapit nahitabuan gidala na karon sa SOCO Laboratory Office alang sa cross matching examination.
