Jamindan, Capiz – Ginluthang-patay sang manghod ang mismo magulang sini sa Brgy Pangabat banwa sang Jamindan alas 9 sang gab-i.
Ginkilala ang biktima kay Romulo Vista y Visto, 70-anyos ang pang-edaron nga nag-angkon sang patal nga pilas sa may gusok malapit sa dughan tuga sang 12-gauge shot gun.
Suno sa hepe sang Jamindan PNP nga si Police Captain Cherryl Visto, kapin sa duha ka oras nga nagbantay ang suspek nga si Roger Vista y Visto sa kaaway sini sang naglabay ang magulang agud nga kuntani magkadto sa ginlambo nga karabaw.
Sa pagpati nga ini na ang iya kaaway, gilayon nga ginpalukpan sang suspek ang biktima gamit ang homemade 12-gauge shotgun antes nga nagpalagyo.
Sang pagka-aga na sini nadiskubrehan nga magulang man lang niya ang iya nga naluthangan kabangdanan ini ang boluntaryo nga nagsurrender sa mga otoridad.
Suno kay Police Captain Cherryl Visto kaso nga murder ang atubangon sang amu nga persona nga posible ipasaka sa maabot nga adlaw sang Lunes.
Lubos naman ang paghinulsol sang amo nga suspek bangud palangga sini ang magulang kag wala man sila sang may ginlainan sang buot.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
