Davao City – Bangi sa pamilya ang hinungdan sa pagkamatay sa duha ka mga lalaki nga taga Maguindanao nga nakit-an sa Purok Tambis, Barangay Kinuskusan Bansalan Davao Del Sur kagahapong niadtong Dominggo, Pebrero 16, 2020.
Sa interbyu sa DXDC RMN Davao kang Police Corporal Lealyn Bebing sa Bansalan PNP ug imbestigador sa kaso, giila niini ang mga biktima nga si Saudi Paglas, 23-anyos, ug ig-agaw niining si alyas Kevin, 17-anyos, puros taga Brgy. Balanaken, Datu Piang, Maguindanao.
Subay sa Scene of the Crime Operatives (SOCO), nakahi-agum og pinusilan sa dughan ang duha, gigapos sa likod samtang nagbaton og laslas sa li-og ang usa sa biktima.
Saysay ni Bebing nga nagbaton sila og bangi kun rido sa pamilya ug miresulta sa maong krimen.
“May rido sila sa kanilang angkan kasi mga Muslim brothers sila. Sa Muslim pag once mag-away yung clan, lahat ng clan nagpapatayan sila,” saysay ni Bebing.
Matud sumala pa sa kabanay sa biktima nga niadto pang Pebrero 12 nawala ang mag-ig agaw diin didto sumala pa sa Maguindanao gihimo ang krimen ug diri lang gilabay sa Davao del Sur aron lisod nga ma-trace sa otoridad.
Samtang, wala na usay plano nga mukaso ang tagtungod ug isalig sa ilang ‘elders’ ang kaso subay sa patakaran sa Muslim.
“So ‘yung ginawa ng pamilya, hindi na po sila mag file ng case kasi pag once na Muslim brothers binabalik po ‘yun sa kanilang mga elders, bale sila ang mag se-settle ng kaso,” pagpasabot ni Bebing.
RadyoMaN Kirby Manzon
