BANGKAY SANG ICE CREAM VENDOR NGA GINPAHAYAG NALUMOS SA BANWA SANG MAMBUSAO, NASAPWAN NA

25
Mambusao, Capiz – Matapos ang masobra tatlo(3) ka adlaw nga search and retrieval operation, nasapwan na ang bangkay sang 73-anyos nga ice cream vendor nga nalumos sa suba sa banwa sang Mambusao.
Pasado alas 11 sang aga sa suba nga sakop sang Barangay Poblacion Proper, Mambusao sang nakit-an ang bangkay sang biktima nga ginkilala kay Leodegario Soriano Leonardo.
Sa matandaan, Mayo 18 mga pasado alas 4 sang kaaganhon ginsiling nga naghalin sa ila poluy-an ang biktima agud nga magbakal kuntani sang bloke sang ice nga gamiton sa pag-obra sang ice cream.
Ginapatihan nga bangud sa madulom nga palibot, aksidente nga nahulog sa river control ang biktima sakay sa traysikad sini.
Sang ginsuyod sang mga rescuers kag residente ang nasambitan nga lugar, narekober sang mga ini ang sako kag traysikad nga gamit sini mga 10 – metros ang kalayuon ukon distansya sa poluy-an sang biktima.
photo (c) – PDRRMO
Facebook Comments