BFP-Malaybalay, mipanawagan sa katawhan nga iprioridad ang pagtawag sa bombero sa dili pa mag-live sa social media panahon sa sunog

Panghimangnu karon sa Bureau of Fire and Protection (BFP)-Malaybalay ngadto sa katawhan nga iprioridad usa ang pagtawag sa bombero panahon sa sunog kaysa ang pag-live sa social media.

Sa interview sa RMN Malaybalay ngadto kang FO2 Brent Clyde Suico, gipanawagan niini sa katawhan nga unahon ang pagtawag sa mga bombero sa ilang hotline panahon sa sunog aron nga dali mapatay ang kalayo.

Dugang niya nga kasagarang gakahitabo karon nga ga-live una sa social media ang mga nakasaksi sa sunog ug nalimtan ang pagpanawag maong dugay marespondihan.

Dugang pa ni Suico, nga magbantay usab ang katawhan sa mga posibleng hinungdan sa sunog aron nga mahilikay sa bisan unsang insidente niini.

Madumduman nga nagsumikad ang selebrasyon sa Fire Prevention Month adtong Martes ug magpadayon ang selebrasyon hangtud na sa unang mga adlaw sunod bulan sa Abril.

Gitemahan ang selebrasyon karong tuiga og โ€œSa pag-iwas sa sunog, hindi ka nag-iisaโ€.

Facebook Comments