Panabo City – Gilusad sa Panabo City Fire Station ang Motorcycle Fire Assistance Service Teams (FAST), kinsa giila nga pinakauna sa tibuok Davao Region.
Gipangulohan ni Fire Marshal FSINSP Richard Quiboquibo ang paglunsad ug turnover sa mga motorsiklo, diin gamiton, matud pa, kini sa fire safety inspections ug sa pagtabang panahon sa sunog ug uban pang emerhensiya.
Gamit ang mga motorsiklo, mas paspas na ang pagresponde sa mga bombero, ilabi na sa mga lugar nga lisod sudlan sa dagkong fire truck. Ilabi na, dako kini’g tabang aron dali maabot ang mga eskinita ug siksik nga komunidad.
Gidasig usab ang mga residente nga dayong motawag sa ilang hotline kung adunay sunog o emerhensiya sa Panabo City Fire Station: (084) 823-1773 kun sa 0928-458-7586
RadyoMaN Kareen Beltran
Facebook Comments
