Davao del Sur – Miani og daghang pagdayeg gikan sa netizens, ingon man sa mga residente ug estudyante sa Barangay Tuban, Sta. Cruz, Davao del Sur, ang Libreng Sakay Program nga gipangulohan ni SK Chairperson Stacy Angub Candrejo.
Matud pa sa Sangguniang Kabataan Council, dako kining tabang alang sa mga kabatan-onan nga adlaw-adlaw mobiyahe paingon sa ilang eskwelahan.
Pinaagi sa pakigtambayayong sa usa ka transport cooperative, andam na ang mga minibus ug naapod-apod na usab ang mga libreng sakay coupons sa mga kwalipikadong benepisyaryo. Tumong niini nga mapagaan ang gasto sa transportasyon sa mga estudyante.
Daghan ang nibilib sa maong programa tungod kay klaro ug organisado ang pagpatuman niini. Gani, imbes kwarta, coupons ang gipanghatag aron masiguro nga magamit ang ayuda alang sa pamasahe ug dili sa laing butang.
Tungod sa kalampusan niini, daghan ang nanawagan nga unta masundan kini sa ubang barangay ug lokal nga panggamhanan.
RadyoMaN Kareen Beltran
Facebook Comments
