Big time Pusher sa Droga, Sikop!

South Cotabato – Gibalhug na sa silda sa kapulisan ang usa ka big time nga drug suspect nga giilang si Jerwin Panelo, minyo ug anaa na sa legal nga edad, lumulupyo sa Block 4, Lot 2, Marbel Homes, Barangay Santo Niño, dakbayan sa Koronadal, samtang apil nga gisikop ang asawa sa nasampit nga suspek.

Gihimo sa PDEA-12 inabagan sa kapulisan ang operasyon kung asa nakuha sa posisyon sa suspetsado ang 39 ka sachet sa ginatuohang shabu nga mutimbang ug 50 ka gramo, gibanabana nga anaa sa P400,000 ang market value; P1,000 nga marked money ug mga drug paraphernalia.

Kasamtangang anaa sa custodial facility sa PDEA-12 ang maong suspetsado. Sa pagkakaron anaa usab sa Women and Children’s Protection Desk sa Koronadal PNP ang asawa niini.


Tungod niini gipasakaan sa kapulisan ug kaso sa paglapas sa RA 9165 o Comprehensive Dangerous Drugs Act of 2002 ang mga suspetsado. (Pj Sabalosa)

Facebook Comments