Davao City – Dili mabayran og salapi ang kalipay sa mga barangay officials kauban ang ilang Punong Barangay nga si Cris Pecasion ug mga residente sa Barangay Manambulan, Tugbok District, Davao City sa ipahigayong libreng check-up sa mata sa pagpanguna sa DXDC RMN Davao.
Ang maong aktibidad himuon sa Camanzie-Daugdaug (CD) Farm sa Purok 7, New Danao, sa maong Barangay, sugod alas 8:00 sa buntag adlaw’ng Sabado, Mayo 6, 2023.
Sa interbyu sa DXDC RMN Davao kang Brgy. Manambulan Kagawad Nelson Suyman, gisulti niini nga nangandam na usab ang Barangay Council sa himuong Free Eye Check-Up sa ilang lugar ug ila kining ipahibalo sa mga residente aron maka-avail niini.
Segun ni Suyman, dako ang iyang pagpasalamat sa DXDC RMN Davao gumikan usa ang ilang barangay nga napili nga maka-benepisyo sa maong programa.
Dugang sa kagawad posibleng daghan ang maserbisyohan sa libreng check-up sa mata ilabi na ang mga senior citizen sa ilang lugar nga adunay problema sa mata.
RadyoMaN Don Pulayao
Facebook Comments
