Makakaranas ng siyam na oras na pagkawala ng suplay ng kuryente ang buong bayan ng Mangaldan sa Sabado, Agosto 22, 2026, mula alas-6:30 ng umaga hanggang alas-3:30 ng hapon.
Ayon sa abiso ng National Grid Corporation of the Philippines (NGCP), isinagawa ang nakatakdang power interruption sa kahilingan ng Pangasinan Electric Cooperative III (PANELCO III) upang bigyang-daan ang mga isasagawang line works sa Binalonan-Urdaneta 69kV line, gayundin ang line modification works sa Binalonan I at Binalonan II substations.
Dahil dito, pinapayuhan ang mga residente, negosyo, tanggapan at iba pang establisimyento sa Mangaldan na paghandaan ang pansamantalang pagkawala ng kuryente. Partikular na pinapaalalahanan ang mga establisimyentong umaasa sa tuloy-tuloy na suplay ng kuryente para sa kanilang operasyon na gumawa ng kinakailangang paghahanda.
Nagpaalala rin ang NGCP na maaaring maibalik ang suplay ng kuryente mas maaga o mas huli kaysa sa itinakdang oras, depende sa aktuwal na kondisyon ng mga isinasagawang trabaho at sa iba pang hindi inaasahang pangyayari.
Pinapayuhan ang publiko na manatiling alerto sa mga susunod na abiso mula sa NGCP at PANELCO III kaugnay ng naturang power interruption. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
