Nilinaw ni House Deputy Speaker at Iloilo Rep. Janette Garin na hindi seryosong pinag-uusapan sa Kamara ang tungkol sa pagsasagawa ng Constituent Assembly para bigyang-daan ang charter change.
Tugon ito ni Garin sa sinabi ni Senator Imee Marcos na planong ikasa ang Con-Ass para amyendahan ang Konstitusyon sa layuning mapahaba ang termino ng kasalukuyang administrasyon kung hindi mako-convict sa impeachment trial si Vice President Sara Duterte.
Sabi ni Garin, mayroong weekly meeting ang mga House Deputy Speakers pero limitado ang mga isyu na kanilang tinalakay tulad ng Barangay and Sangguniang Kabataan elections at mungkahing buwagin ang SK system.
Sabi ni Garin, hindi kasama sa kanilang pinag-uusapan ang No-election scenario.
Giit ni Garin, ilang dekada ng pinag-uusapang ang Cha-cha kahit pa noong nakaraang Duterte Administration.
Kaya hindi maituturing na formal discussions kung napagkwentuhan man ito nina House Speaker Faustino Bodjie Dy at former Senate President Vicente “Tito” Sotto III.
