BSP, may babala sa mga nagdi-disinfect ng pera

487

Nagbabala ang Bangko Sentral ng Pilipinas (BSP) sa publiko lalo na sa mga nagdi-disinfect ng salapi.

Nabatid na todo ang pag-iingat ng mga Pilipino ngayong pandemya kung saan maging ang mga pera ay dini-disinfect sa pamamagitan ng pagwisik ng alcohol o iba pang likidong panlinis.


Paalala ng BSP, iwasang ibabad o wisikan ang salaping papel at barya ng tubig at sabong panlaba, alcohol at bleach at iba pang kemikal.

Maituturing itong Acts of Mutilation o Destruction ng Philippine Currency.

May kalakip din itong kaparusahan, alinsunod sa probisyon ng Presidential Decree No. 247 kung saan mahaharap ang mga lalabag ng hanggang p20,000 at – o pagkakakulong na hindi lagpas sa limang taon.

Giit ng BSP, ang sagot kontra COVID-19 ay hindi pag-disinfect sa pera kundi tamang personal hygiene.




Facebook Comments