PILAR, CAPIZ – Pormal na nga nagbukas kahapon nga adlaw ang LTO extension office sa banwa sang Pilar.
Sa madumdoman, ginsiling sang LTO Region-6 regional director nga si Mr. Roland Ramos, kalakip sa mga serbisyo nga igatan-ay sang nasambitan nga opisina ang renewal sang drivers license, issuance sang student permit kag motor vehicle registrations.
Iya man nga ginpasalamatan ang bulig sang local government unit sang Pilar sa pagpanguna ni Mayor Ike Patricio sa pagdonar sang duta agud nga matigayon nga pahamtangan sang sattelite office ang nasambitan nga banwa.
Suno diri, nga dako ini nga bulig sa mga motorista ilabi na ang mga halin sa 1st district sang Capiz kag mga kabanwahan nga sakop sang 5th district sang probinsya sang Iloilo.
Si Mr. Gifford Selloriquez naman amu ang ginpahamtang nga hepe sang LTO Pilar Extension Office.
photo © Cong Tawi Billones Sr FB page
