Bukidnon, adunay pinakadaghang kaso sa dengue sa Region 10

63

Nagpahimangno ang Department of Health Region 10 sa publiko sa posibleng pagtaas sa kaso sa dengue ning panahon sa ting-ulan.

Sa interview sa RMN Malaybalay ngadto kang DOH 10 Assistant Regional Director ug Spokesperson Dr. Dave Mendoza, gibutyag niini nga mitaas sa 60% ang kaso sa dengue karong tuiga.


Matud ni Dr. Mendoza nga as of kagahapon niabot na sa 8,000 ka kaso sa dengue sa Northern Mindanao kung ikumpara sa 6,000 ka kaso sa susamang panahon kaniadtong nakalabay nga tuig.

Gipahayag sa DOH nga ang pagkamatay tungod sa dengue mahimong mapugngan kung ipa-check up gilayon sa doctor.

Kasagaran matud pa sa kaso sa dengue nagagikan dinhi sa probinsya sa Bukidnon.

Facebook Comments

From Advertisers