Davao City – Midangop dinhi sa San Pedro PNP ang usa ka officer-in-charge sa usa ka cosmetic products nga si Melyn Loquinario Cauba, 31 anyos, residente sa may Fatima Village, Agdao.
Suspek naila nga si Mark Angelo Lozada, 27 anyos, residente sa Bolton Ext. Brgy. 1-A, nga mao ang cashier sa mao nga establishmento.
Sumala sa report nga mga bandang alas 6:00 sa hapon kagahapon naka abot ang report gikan sa mao nga officer-in-charge nga gilimas matud pa sa ilang cashier ang halin sa ilang tindahan nga nahimutang sa may dalang San Pedro lakip ang kita sa ilang parenta sa balay.
Sa iyang pagsubay, nasayran niini nga natangag na sa suspek ang mao nga salapi nga mokantidad og dul-an 20,000 ka pesos.
Kapolisan sa San Pedro naghimo na og follow-up investigation mahitungod sa mao nga insidente ug gipasa na ngadto sa Theft and Robbery Section.
RadyoMaN Paul Canono
