CDRRMO: Davao river gi-monitor sa posibleng chemical spill

21
Davao City – Gimandoan karon sa Davao City Disaster Risk Reduction and Management Office (CDRRMO) ang matag Barangay partikular na kadtong anaa sa Davao River nga i-monitor ang ilang kasapaan pagsigurong walay maligo o mamingwit diin kini temporaryong gidili.

Kini human sa posibleng chemical spill sa Suawan River tungod sa nahulog nga tanker truck sa pangpang sa Barangay Suawan, Marilog District, Davao City nga adunay kargang chemical nga caustic soda (sodium hydroxide) alas 11:00 sa gabii niadtong Lunes (Agosto 1, 2022).

Sa intebyu sa DXDC RMN Davao kang Alfredo Baloran, head sa CDRRMO, gipahibalo na ang matag Barangay sa pagsigurong walay aktibidad sa Davao River aron malikayan ang insidente ugaling magbaton og chemical spill gikan sa maong lugar.

“Gi-inform dayon nato (ang mga Barangay) nga dili usa paadtoan (ang Davao River). Dili usa paligoan. Dili sa mag-conduct og any water activities. Kanang mag-quarry diha nga musalom sa tubig. Dili lang usa,” sulti ni Baloran.

Gilayon usab nga giimbestigahan sa Department of Environment and Natural Resources (DENRO, Environmental Management Bureau (EMB) ug Bureau of Fisheries and Aquatic Resources (BFAR) ang insidente.

RadyoMaN Kirby Manzon

Facebook Comments