CityVet

444
AMEDIANTE QUE MENOS YA EL RA SALE REPORTAO CASO DEL ASF NA CIUDAD, CITY VETERINARY OFFICE NA CIUDAD TA CONTINUA PA SIEMPRE HACE EL VICIADA CON EL MAGA TRANSPORTADA DEL MAGA LIVE STOCKS ESPECIALMENTE MAGA FUERCO.
VISIBLE PA TAMEN SIEMPRE EL MAGA CHECKPOINT DEL CITY VET NA MAGA CUANTOS CALSADA, UNO YA EL CHECKPOINT LOCAO NA PORCENTRO, TUMAGA.
AYER DURANTE EL RUNCIADA DEL RMN ZAMBOANGA NA TUMAGA, YA ALCANSA EL TEAM CON EL UNO DEL MAGA PERSONAHES DEL CITY VET SI JULIAN MESIONA EL TA MAN CHECKPOINT NA LUGAR.
NA ENTREVISTA CON MESIONA YA HABLA LE QUE TA CONTINUA PA SIEMPRE TA HACE EL CHEQUIDA CONTODO QUIEN TA TRANSPORTA ANIMAL ESPECIALMENTE EL FUERCO.
SI MESIONA YA HABLA TODO QUIEN TA PASA VEHICULO NA DIILA AREA TA CARGA LIVESTOCKS QUE PAEA NEGOCIO O PERSONAL USO, TA PIDI SILA MIRA MAGA PERTINENTE PAPELES CON EL DUEÑO COMO EL CITY VET HEALTH PERMIT.
SI NOHAY COSA PUEDE PRESENTA CANILA PAPELES EL TSUPER DEL TAL VEHICULO O DUEÑO DEL ANIMAL TA MANDA SILA BIRA OTRAVEZ DONDE YA SALE EL MAGA ANIMAL.
ASEGUN CON MESIONA ESTE COSAS TA IMPLEMENTA EL DIILA OPESINA AMO PARA ASEGURA LANG TAMBIEN EL SAFETY DEL PUBLICO.
TA PIDI SI MESIONA EL COOPERACION Y ENTENDIMIENTO DEL MAGA CONCIERNE AMEDIANTE CON EL PROGRAMA DEL CITY VET.
Facebook Comments