Numancia, Aklan — Arestado rong sangka construction worker matapos nga ginpaidaeom sa buy- bust operation kahapon it hapon sa Dongon East, Numancia, Aklan.
Ro subject nakilaea kay James Cipriano, 24-anyos, tubong Quezon City ag presente nga naga istar sa Calachuchi Road, Andagao, Kalibo.
Ginpatigayon rong operation ko mga katapo it PDEA 6, PDEU ag Numancia MPS kung sa siin nahabakean ra imaw it daywa ka mga sachet it suspected shabu kabaylo it P4,000.00 pesos.
Suno kay PCInsp. Frensy Andrade it PDEU nga basi sa andang nabaton nga information nga rayang si Cipriano hay nakatakas sa sangka operation sa Metro Manila kung sa siin uwa ra imaw maboe i it kompleto nga pangaean rason nga malisud ma locate ag iya imaw sa Aklan nagpanago.
Naga baktas ra imaw sa karsada tag matabo rong transaction kung sa siin insigida imaw nga gindakop matapos maidawat rong droga.
Nagtuyo pa raya nga maeagyo pero na corner man it mga kapulisan.
Posible nga magapangatubang man ra imaw it kasong pagbayolar sa Sec. 5 (selling) it RA 9165 ukon Comprehensive Dangerous Drug Act of 2002.
