COVID-19 positive gikaalarma sa Mabini, Davao de Oro

Davao de Oro – Naalarma ang mga residente sa Brgy. Golden Valley, Mabini, Davao de Oro human mipauli sa ilang Barangay ang usa ka COVID-19 positive sa kabalaka nga basin matakdan sa makamatay nga balatian.

Sumala ni Mabini Municipal Mayor Rey Dayanghirang, gi-istorya niya ang mga Barangay Officials lakip ang mga residente kabahin sa ilang kahadlok tungod sa pag-uli sa ilang lugar sa usa ka COVID-19 positive.

Giklaro ni Dayanghirang nga walay angay kabalak-an ang mga residente nga sila matakdan tungod kay anaa sa isolation facility ang maong pasyente ug ang buhaton sa katawhan mao ang pagsunod sa mga health protocols aron di mataptan sa maong virus.


RadyoMaN Jules Catisay

Facebook Comments