COVID-19 Vaccination Plan sang probinsya sang Capiz, plastado na!

7

Roxas City, Capiz – Ginkumpirmar ni Acting Provincial Health Officer Dr Alex Nolasco nga nagapadayon na ang negosasyon sang provincial government sang Capiz sa mga supplier sang COVID-19 vaccine.
Suno diri nga lauman nga sa una nga quarter sang subong nga tuig 2021, natalana nga maga-abot sa pungsod Pilipinas ang labing una nga COVID-19 vaccine nga pagabaklon base man sa update halin sa IATF.
Para sa probinsya sang Capiz, ginakonsiderar nila nga dapat barato, practikal kag epektibo nga bakuna ang pagabaklon. Samtang sa masunod nga senimana, gina-ekspektar nga mahibaluan na kun anu nga brand sang COVID-19 vaccine ang pagabaklon sang Capiz.
Samtang ginpahayag dugang ni Dr Nolasco nga nakahanda kag plastado na ang COVID-19 Vaccination Plan sang probinsya sang Capiz.

Facebook Comments