COVID TF: Ubang sektor sa Davao City pwede na sa walk-in vaccination

30

Davao City – Mamahimo na nga makapabakuna batok Coronavirus Disease 2019 (COVID-19) ang ubang sektor alang sa ginatawag nga walk-in vaccination dinhi sa syudad sa Davao partikular na sa People’s Park sa dalang Palma Gil ning dakbayan.

Matud ni Dr. Michelle Schlosser, Davao City COVID-19 Task Force Spokesperson (sa interbyu sa city-owned radio) nga abri ang walk-in vaccination alang niadtong mga side walk, market, food, flower ug ambulant vendors, traysikad, tricycle, ingon man sa habal-habal drivers.


“Kadtong una, wala man ‘ta naga-allow og walk-in (vaccinees). Karon ang announcement nako is naa ‘tay walk-in sa People’s Park pero for several sectors or several individuals lang,” segun ni Schlosser.

Lakip usab nga gitugotan alang sa walk-in vaccination ang laborers, kargador, construction workers, sales ladies, tindero/tindera, Public Utility Jeepney (PUJ) drivers, taxi drivers ug service delivery drivers ug uban pang buot magpabakuna sa maong mga sektor.

Abri ang vaccination site gikan Lunes hangtud Biyernes. Sa first dose sa pagpabakuna, sila ma-cater gikan alas-7:30 hangtud alas-11 sa buntag. Samtang, sa second dose, sila ma-cater gikan alas-11:30 hangtud alas-3 sa hapon.

Gipaninumdom ang pagdala og valid DQR, valid ID ug kaugalingong ballpen ug pagtuman sa minimum public health standards batok COVID-19 atol sa pagpabakuna.



RadyoMaN Kirby Manzon

Facebook Comments