Inihahanda na ng Commission on Elections (COMELEC) Dagupan ang malawakang operasyon para sa Barangay at Sangguniang Kabataan Elections (BSKE) 2026, kasunod ng naitalang mahigit 200,000 rehistradong botante sa lungsod.
Ayon sa COMELEC Dagupan, binubuo ito ng 144,657 regular voters o mga botanteng edad 18 pataas, at 55,524 Sangguniang Kabataan (SK) voters na may edad 15 hanggang 30.
Mas mataas umano ito kumpara sa 141,906 recorded voters noong 2023 BSKE, na indikasyon ng lumalawak na voter base sa lungsod.
Dahil dito, nasa 396 classrooms na voting centers at 1,188 poll workers ang inaasahang ihahanda para sa logistics at polling operations.
Binibigyang-diin ng komisyon na patuloy parin ang paghahanda para sa isang maayos, ligtas, at organisadong halalan sa 2026 sa Dagupan City. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
