Gatos-gatos ka mga empleyado ro nadueaan it trabaho sa Boracay ag mga negosyante do naduean it pangabuhian bangod sa sunog nga natabo sa D’talipapa Station 2 nga nag-umpisa kainang alas-4 it aga-aga.
Abo lang do nabilin sa sueod it D’Talipapa matapos masunog do mga stalls nga may mga baligya nga souvenir items ag wet market mga restaurants ag mga fast food.
Sa makaron uwa gihapon natapna do sunog ag padayon nga naga kaon it mga panimaeay sa likod nga porsyon it nasambit nga area kung siin abo man nga mga boardinghouse ro nakatindog sa lugar.
Umabot man sa limang oras ro sunog bago hapatay it mga taga Bureau of Fire Boracay ag mga nagrespondeng volunteer groups.
Do D’Talipapa hay agtunan it mga turista bangod dikara makit-an do mga barato nga souvenir items, paluto center ag maabo pa.
