Davao City – Ubay-ubay ka mga scholarships ang gitanyag karon sa lokal nga gobyerno sa syudad sa Davao alang sa mga estudyanteng buot makapadayon sa kolehiyo.
Sa gipagulang anunsyo sa City Information Office o CIO, magsugod na og dawat ang gobyerno alang sa mga aplikante sa nakalinyadang scholarships sama sa Tertiary Education Program (STEP) ug Law Education Assistance Program, Medical Educational Assistance Program gani aduna usab Technical Vocational Program, scholarships alang sa Differently-Abled Persons ug alang sa Indigenous Peoples (IPs).
Karong Abril 30, 2019 ang deadline sa pagdawat og aplikasyon alang sa Tertiary Education Program (STEP) ug Law Education Assistance Program.
Samtang mamahimong magsumite sa ilang aplikasyon ang interesado sa Medical Educational Assistance Program sugod June 1-30, 2019.
Sumala ni Education Benefits System Unit (EBSU) Technical Assistant Emilio Domingo nga kinahanglan dal-un sa mga aplikante ang inisyal nga mga rekisitos alang sa evaluation sama sa report card alang sa K12 graduates ug transcript of records sa collegel levels.
Alang sa klaripikasyon, mamahimo usab mubisita sa Davao City Hall nga nahimutang sa San Pedro ning syudad sa Davao.
RadyoMaN Renz Barbarona
