Dark squad

EL BARANGAY OFFICIAL DEL LUNZURAN YA ENCABESA SI KAP JOEL JOSE YA PIPINA CON EL 27 MAGA MENOR DE EDAD MIEMBRO DEL “DARK SQUAD” NA UN SACATAL LUGAR NA PUROK 3 NA MENCIONAO BARANGAY DESPUES YA ALCANSA CANILA TA MAN HUNTA DEL MARTES SERCA ESCURICIA.
NA ENTREVISTA CON KAP JOSE YA HABLA LE ESTE GRUPO DEL MAGA JOVENES TA ENCABESA SI MICO REY FERNANDEZ FALCATAN DEL SU MISMO BARANGAY.
SI KAP JOSE YA DETALYA HACERCA DEL GRUPO DEL DARK SQUAD DONDE YA PORMA SI FALCATAN CUANTOS AÑOS YA EL PASA DONDE TA CABA LE MAN RECRUIT MAGA JOVENSITO Y JOVENSITA DONDE TA ENSIÑA LE HACE MAGA LUCURAS.
Y DONDE HACEGUN MISMO SI FALCATAN TA AGUANTA MAGA PRIVADO PARTE DEL MAGA MIEMBRO MOJER.
EMBUELTO SILA PIRMI NA MAGA TROUBLE Y ROBO.
NA 27 MAGA MENOR QUE YA AGUANTA SILA, MAYORIA AQUI EL MOJER Y DAYUN CANILA YA LLEVA NA ESTACION DEL DIVISORIA POLICE STATION PARA EL PROFILING.
HACEGUN CON KAP JOSE, ESTABA PA NA MAGA DIFERENTES BARANGAY EL MAGA MIEMBRO DEL MENCIONAO GANG PORCAUSA SABE GAYOT ESCUJI Y CONVINCI SI FALCATAN PARA QUEDA MIEMBRO DEL SU GRUPO.
SI FALCATAN YA PRINCIPIA TENE MAL RECORD NA BARANGAY DEL LUNZURAN PRINCIPIA SU EDAD DE 12 HASTA ESTE MAGA TIEMPO. MANADA YA TAMEN LE MAGA PENDIENTE RECLAMO DE ATROSIDADES.