Dati nga pulis dakpan sa buy-bust operation sa Koronadal City.

13
Arestado ang target-listed drug personality sa ginpatigayon nga buy-bust operation sa Purok Sentro 3A, Brgy. Morales, Koronadal City, South Cotabato.
Ginkilala ang suspek kay Roel Gubaton Austria, alias Imbuing, 52, single, jobless, kag residente sang Purok Manga, Brgy. Lambunao, Tantangan, South Cotabato.
Si Austria ang ginaaligar source sang illegal drugs sang mga drug personalities nga naaresto sang PDEA sa mga nauna nga anti-narcotic operations.
Nakumpiskar sa suspek ang 4 ka sachets sang ginapatihan shabu may kabug-aton nga more or less 13 grams kag nagakantidad sang P88,400.00, assorted drug paraphernalia, cellular phone kag motorsiklo nga ginagamit sini sa transaksyon.
Kaso naman nga pagbayolar sa sections 5, 11 kag 12 sang Article II sang RA 9165 ang ipasaka batok sa suspek nga nakadetine sa subong sa PDEA 12 Custodial Facility.
Ginpatigayon ang operasyon sang gintingob nga pwersa sang PDEA South Cotabato PO, PDEA RSET, 1205th RMFB, SCPDEU, Tantangan MPS kag Koronadal City DEU.
Facebook Comments