Davao City – Nagbilin og mensahe si Davao City Mayor Sebastian ‘Baste’ Duterte ngadto sa mga atleta sa bag-o lamang natapos nga Davao Regional Athletic Association (DAVRAA) Meet 2024.
Matud ni Baste nga daog man o pildi, ang importante nga sila nakakat-on ug tanang maayong pagtulun-an, madala nila sa kung asa man sila dal-on sa panahon.
“Sa mga napildi, relax lang, ayaw mo og kaguol. Ana man gyud ng kinabuhi. Pag-abot ana sa panahon, ang nakanindot ani, kabalo mo mudisiplina sa kaugalingon. Bitbiton ninyo na managko mo. Ayaw ninyo sayanga inyong kinabuhi. Ug mahimo lang, ayaw gyud mog sulod og bisyo.”
Dugang sa mayor nga ubanan niya sa Palarong Pambansa 2024 ang mga atletang kwalipikado karong July 6-17, 2024 sa Cebu City.
Dakong garbo sab sa syudad ang back-to-back nga pagka-overall champion sa Davao City gikan 2023 hangtod ning kasamtangan.
RadyoMaN Ivy Parido
Facebook Comments
