Davao City – Nanawagan ang City Social Welfare and Development Office (CSWDO) ngadto sa opisyales sa mga barangay sa Davao City nga mamahimong aktibo sa pagmugna og disaster services panahon sa sunog o mga kalamidad.
Mismong si CSWDO Officer in Charge Julie P. Dayaday ang nagpasalamat ngadto sa kabarangayan nga kanunay anaa ang presensya panahon sa panginahanglan sama sa bag-o lamang nga mga sunog ug pagbaha pinaagi sa community cooking ug abtik nga assistance.
Giawhag sa buhatan ang mga kadagkoan sa barangay nga kanunay i-in place ang emergency responses aron abtik marespondehan ug matabangan ang katawhan.
Gibutyag usab ni Dayaday nga padayon ang ilang pagtunol og assistance karon ngadto sa mga pamilyang apekto sa baha sa Davao region resulta sa shearline weather condition.
RadyoMaN Ivy Parido
Facebook Comments
